tabur bintang

Jumat, 08 Agustus 2008

"LEAK NGAMAH SANDAL ..."

Miribang tyang sami sampun uning ring kawentenang Forum ring www.iloveblue.com. Yening wenten sane durung medaptar, durusang pramangkin medaptar. Irika, ring paindikan Mistik Bali, wenten sane metaken napike sujatine wenten utawi sampun semeton iragane ngaturang paindikan akeh wantah sujati makeh taler sane nganikang leak punika nenten ja wenten.

Daweg tyang lan semeton-sameton ring Blue melancaran ka genah Air Terjun Sekumpul ring Sawan-Buleleng. Ring pemargine marika, sawetara nampek ring Bedugul, tyang lan sameton sami malih mabligbagan indik leak punika. Sesampune ngorta makangin-kauh, tyang meled taler ngeraosang indik leak punika.

Sami timpal-timpal tyange meneng, meled pisan uning ring kawentenan leak punika. Tyang ngawitin nuturang: "Leak punika wantah sujati wenten." Wenten semetone sane meanggutan, pinaka cihna ngarsaang pateh. Tyang ngelanturang: "Satua puniki pirengang tyang ring BaliTV. Duk punika, magenah ring pakubon ring wewidangan Tabanan. Rikala wenten bebalihan ring bale banjare, makeh pisan krama banjare sane nonton. Satuan wayange ngulangudin pisan tur dalange sane sebet pisan nyolahang wayang. Ri sesampune sasolahan wayange puput, makasiki ida dane budal ka jeroan soang soang. Wenten pekak-pekak tua sane merika meriki, nyeliksik ngarereh sandalnyane. Sesampune suwe ngarerehin ... ngantos telas peluhnyane nyerekcek, pekak punika medadi pedih. Saget medal bawosnyane..."Leak apa...sandal amaha!!".

Nah...ngawit punika tyang wawu tetes uning, leak punika wantah wenten tur Leak bisa ngamah sandal ...huehue.


-Bli Sopir Dokar

Tidak ada komentar:

Search

Peta Desa Tamblang (Bali)

Komang & Family

Komang & Family